Ave María - Angelus Dómini
Ave María Ave María, gratia plena; Dominus tecum benedicta tu in mulieribus et benedictus fructus ventris tui Iesus. Sancta María, Mater Dei, ora pro nobis peccatóribus, nunc et in hora mortis nostrae. Amen. Angelus Dómini Angelus Dómini nuntiávit Maríae; Et concépit de Spíritu Sancto. Ave María, gratia plena [...] Ecce ancílla Domini; Fiat mihi secúndum verbum tuum. Ave María, gratia plena [...] Et Verbum caro factum est; Et habitávit in nobis. Ave María, gratia plena [...] Ora pro nobis, Sancta Dei Génetrix; Ut digni efficiámur promissionibus Christi. Oremus: Gratiam tuam, quaésumus, Dómine, méntibus nostris infúnde: ut qui, Angelo nuntiánte, Christi Fílii tui Incarnatiónem cognóvimus, per passionem eius et crucem ad resurrectionis gloriam perducámur. Per eúndem Christum Dominum nostrum. Amen.